شاركت مسرحية “كاوو” لجميلة الشيحي ونعمان حمدة وانتاج المسرح الوطني التونسي ضمن فعاليات اللقاء المسرحي العربي الثالث الذي ينظمه مركز بافيلليون الثقافي بمدينة هانوفر الألمانية من 19 إلى 25جانفي 2017، وقد قدم المسرح الوطني التونسي مساء الثلاثاء 24 جانفي 2017 مسرحيته ” كاوو” او الضربة القاضية وسط حضور كبير للجمهور بمسرح بافيلليون بهانوفر الالمانية . ويتناول العمل قصة امراة في العقد الرابع من عمرها، تتعرض للعنف اللفظي والجسدي في براكاج عقاب عشيّة وهي مروّحة من الخدمة. تلقى روحها في لحظة خوف وحقد على هالمجتمع الجديد إلي ماتعرفوش هو كان قبل ملاكم مشهور أماّ في مقابلة قتل خصمه من غير ما يقصد. قرّر باش يعتزل، هجرتّه مرته وبنته. خسر إلّي يملكه الكل… رزقه وعايلته… تزمّت و تخونج… بعد الطريحة إلّي حطمّتها تطلب منّه باش يعلّمها كيفاش تولّي تدافع على روحها الكلمة ماعادش تكفي، يلزم البدن زادة يدافع على روحه هي تكبّش فيه وتشدّ صحيح، هو يرفض، يراوغ، يتهرّب زوز مالنّاس، مرا وراجل، كلّ واحد منهم ما ينجّم يعيش كان بالاّخر ومع الاخر امّالا علاش العنف والخوف والظّلم إلي يتبّع فينا كلّ يوم وما فمّه حتّى حلّ كان وقفة صحيحة تعطي لكلّ واحد حقّه (مرا وإلّا راجل) في الحياة ؟
